ஆஅஆஆஅஅஆ
அஆஆஅஅஆ
ஆஅஆஆஅஅஆ

ஆடினாள்
ஆடினாள் நடனம் ஆடினாள்
அமுத தமிழ் மொழியில் அழகுற இசைபாடி
ஆடினாள் நடனம் ஆடினாள்
அமுத தமிழ் மொழியில் அழகுற இசைபாடி
ஆடினாள் நடனம் ஆடினாள்

நாடி நான் அலைந்த
நற்கலை பொருளெல்லாம்
நாடி நான் அலைந்த
நற்கலை பொருளெல்லாம்
நளின வளைவு கொள்ளும்
நயவுறும் விழிகளில் வியந்திடும் இனிமை தர
ஆடினாள் நடனம் ஆடினாள்

தாளத் தட்டுகள் கூட்டி
சதங்கை ஒலி குலுங்க
தாளத் தட்டுகள் கூட்டி
சதங்கை ஒலி குலுங்க
தையல் ஒருவனிடம் மையல் கொண்டவள் என்று
தையல் ஒருவனிடம் மையல் கொண்டவள் என்று

நீள உடல் அசைத்து நித்திரை இல்லாது
நீள உடல் அசைத்து நித்திரை இல்லாது
நித்தம் நித்தம் நினைந்து சித்தம் உருகி
விழி சோர்ந்திட மனம் ஏங்கிட ஆடினாள்

காலை மடக்கி திறன் கைகளில் விரல் நீட்டி
காலை மடக்கி திறன் கைகளில் விரல் நீட்டி
கலை மிகு வரும்வரை கற்பனை நயம் காட்டி
கலை மிகு வரும்வரை கற்பனை நயம் காட்டி
வேலைப் பிடிக்கும் எழில் வீர உருவம் தீட்டி
வேலைப் பிடிக்கும் எழில் வீர உருவம் தீட்டி

விந்தை உடல் அசைவில்
சூரனை வீழ்த்திய வீரமெல்லாம் காணவே
ஆடினாள் நடனம் ஆடினாள்

தாமரை மலர் காட்ட தன் கரம் குவித்தே
தாமரை மலர் காட்ட தன் கரம் குவித்தே
தாவிடும் வண்டு அதில் மேவும் தேன் சுவைத்தது
தாவிடும் வண்டு அதில் மேவும் தேன் சுவைத்தது

காமனை எரித்த தணல் பொழியும் உருவம்
காமனை எரித்த தணல் பொழியும் உருவம்
கயிலை பதியில் நடனம் விளங்க
பிறை சூடிடும் பெருமாள் எனவே ஆடினாள்

ஆடினாள் நடனம் ஆடினாள்
அமுத தமிழ் மொழியில் அழகுற இசைபாடி
ஆடினாள் நடனம் ஆடினாள்