காதல் ராஜ்ஜியம் எனது
அந்தக் காவல் ராஜ்ஜியம் உனது
இது மன்னன் மாடத்து நிலவு
இதில் மாலை நாடகம் எழுது

காதல் ராஜ்ஜியம் எனது
அந்தக் காவல் ராஜ்ஜியம் உனது
இது மன்னன் மாடத்து நிலவு
இதில் மாலை நாடகம் எழுது

கண்ணான கண்மணி வனப்பு
கல்யாணப் பந்தலின் அமைப்பு
தேவ தேவியின் திருமேனி
மஞ்சள் கொண்டாடும் மாணிக்கச் சிவப்பு

கண்ணான கண்மணி வனப்பு
கல்யாணப் பந்தலின் அமைப்பு
தேவ தேவியின் திருமேனி
மஞ்சள் கொண்டாடும் மாணிக்கச் சிவப்பு

காதல் ராஜ்ஜியம் எனது
அந்தக் காவல் ராஜ்ஜியம் உனது
இது மன்னன் மாடத்து நிலவு
எந்தன் மார்பில் நீ வந்து உலவு

திங்கள் ஒரு கண்ணில்
குளிர்த் தென்றல் மறுகண்ணில்
தாலாட்டும் பெண்மை இது

வைகை மலர்ப் பொய்கை என
மங்கை மணி செங்கை
நீராட்டும் நேரம் இது

ஆஆஆஅஅ
திங்கள் ஒரு கண்ணில்
குளிர்த் தென்றல் மறுகண்ணில்
தாலாட்டும் பெண்மை இது

வைகை மலர்ப் பொய்கை என
மங்கை மணி செங்கை
நீராட்டும் நேரம் இது

தென்பாண்டித் தேவனின் அணைப்பு
குற்றாலத் தென்றலின் நினைப்பு
ராஜ லீலைகள் இதுதானோ
உள்ளம் கொள்ளாத ஆனந்த தவிப்பு

காதல் ராஜ்ஜியம் எனது
அந்தக் காவல் ராஜ்ஜியம் உனது
இது மன்னன் மாடத்து நிலவு
எந்தன் மார்பில் நீ வந்து உலவு

கொஞ்சும் தமிழ் மூன்றும்
தரும் சந்தம் அதில் தோன்றும்
தானாக பாடல் வரும்

தத்தும் கிளி நித்தம்
மணி முத்தம் இடும் சத்தம்
தேனாக காதில் விழும்
சிங்கார பொன்மகள் சிரிப்பு

சங்கீத வீணையின் படைப்பு

அழகு தேவதை அலங்காரம்

கம்பன் சொல்லாத காவியச் சிறப்பு

காதல் ராஜ்ஜியம் எனது
அந்தக் காவல் ராஜ்ஜியம் உனது
இது மன்னன் மாடத்து நிலவு
இதில் மாலை நாடகம் எழுது