Duryodhan Dussasan Ke Pap 
Aur Niti Bhare Raj Me 
Likhungi Mahabharat Naya 
Rakt Bhare Aansuo Se Aaj Main 
Chir Haran Ka Maan Bhang Ka 
Ma Ki Vedna Bhare 
Chitkar Ka, Chitkar Ka


Ma Ka Tan Chir Ke Janme 
Ma Ki God Me Soye 
Ma Ki Boli Pe Bole 
Ma Ke Hi Pyar Ko Roye 
Tumne Hi Ma Ke Stan Pe
Shishu Mukh Ki Mohar Lagayi 
Ma Ke Is Tan Me Tumahare Liye 
Mamta Ki Nadi Lahrayi 
Lekin Tumne Bachpan Ka 
Sara Itihas Bhulaya 
Palte Rahe Jis Aanchal Me 
Us Aanchal Ko Sarkaya 
Shre Ka Apmaan Karke Kiya 
Apmaan Ma Ke Hi Pyar Ka 
Likhungi Mabharat Naya 
Rakt Bhare Aansuo Se Aaj Main 
Chir Haran Ka Maan Bhang Ka 
Ma Ki Vedna Bhare 
Chitkar Ka, Chitkar Ka 


Ma Hone Ki Bhavna 
Rakhna Hi Pap Ho Gaya 

Stri Ke Liye Sara Jivan 
Kaise Ek Shrap Ho Gaya 
Nari Ne Har Roop Me Apna 
Sab Kuch Tum Pe Wara 
Lekin Grahsti Ki Vastu Samajh Kar 
Tumne Use Nihara
Mat Samjho Ise Marm Sthan 
Ye Hai Tumahara Janm Sthan 
Manavta Ka Puny Sthan 
Tum Bhasna Me Huye Aise Andhe 
Ma Ko Bhi Loot Liya Hai 
Tum Wo Pashu Ho Jisne Humari 
Sanskriti Ka Nash Kiya Hai 
Papi Ho Tu Durachari Ho Tum 
Papi Ho Tum Vybhchari Ho Tum 
Kahte Ho Apne Ko Manav Ho Tum 
Manav Ke Roop Me Danav Ho Tum 
Prano Ke Bhay Se Kayar Purush Ki 
Jibbha To Khulti Nahi Hai 
Ma Bahan Patni Ki Lazza Bacha Le 
Ab Isme Shakti Nahi Hai 
Kahna Hai Ye Mujhe Nari Samaj Se 
Ma Banne Ka Svapn Dekhe Na Aaj Se 
Duryodhan Dussasan Hi Janm Lenge 
Khelenge Jo Wo Bahno Ki Laaz Se 
Yun Bhrath Yuva Pidhiya To 
Manav Samaj Ka Kya Hoga 
Kya Hoga Sabhyta Ka  Kya Hoga 
Is Bharat Ka Kya Hoga