அங்கே
சிரிப்பவர்கள் சிரிக்கட்டும்
அது ஆணவ சிரிப்பு

இங்கே நீ சிரிக்கும்
பொன் சிரிப்போ ஆனந்த
சிரிப்பு

நல்ல தீர்ப்பை
உலகம் சொல்லும் நாள்
வரும்போது அன்று சிரிப்பது
யார் அழுவது யார் தெரியும்
அப்போது

அங்கே சிரிப்பவர்கள்
சிரிக்கட்டும் அது ஆணவ
சிரிப்பு ஆணவ சிரிப்பு

வயிறு வலிக்க
சிரிப்பவர்கள் மனித ஜாதி
பிறர் வயிறு எரிய
சிரிப்பவர்கள் மிருக ஜாதி

மனிதன் என்ற
போர்வையில் மிருகம்
வாழும் நாட்டிலே

நீதி என்றும்
நேர்மை என்றும்
எழுதி வைப்பார்
ஏட்டிலே

அங்கே சிரிப்பவர்கள்
சிரிக்கட்டும் அது ஆணவ
சிரிப்பு

இங்கே நீ சிரிக்கும்
பொன் சிரிப்போ ஆனந்த
சிரிப்பு

நாணல் போல
வளைவதுதான் சட்டம்
ஆகுமா அதை வளைப்பதற்கு
வழக்கறிஞர் பட்டம் வேணுமா

தர்ம தாயின்
பிள்ளைகள் தாயின்
கண்ணை மறைப்பதா

உண்மை தன்னை
ஊமையாக்கி
தலைகுனிய வைப்பதா

அங்கே சிரிப்பவர்கள்
சிரிக்கட்டும் அது ஆணவ
சிரிப்பு ஆணவ சிரிப்பு

தோட்டம் காக்க
போட்ட வேலி பயிரை
தின்றதோ அதை கேள்வி
கேக்க ஆள் இல்லாமல்
பார்த்து நிப்பதோ

நான் ஒரு கை
பார்க்கிறேன் நேரம் வரும்
கேட்கிறேன் பூனை அல்ல
புலி தான் என்று போக போக
காட்டுகிறேன் போக போக
காட்டுகிறேன்