இசை அமைப்பாளர் : பென் சுரேந்தர்

தேவி ஸ்ரீதேவி
தேவி ஸ்ரீதேவி லாலி சுப லாலி
தங்கமகள் மகாலட்சுமியோ
தங்கமகள் மகாலட்சுமியோ
திருமேனி மஞ்சள் நிலா வண்ணமோ
தோகை மயிலென உலா வந்ததோ

மகளே உன்னை கண்டேன்
மடியினில் பொன்னைக் கண்டேன்
நான் எதிர்ப்பார்த்த வாழ்வும் இங்கே வந்தது
தாயின் விழிகளில் இன்பம் தந்தது

மகளாய் குலமகளாய்
மதுரையில் வளர் மீனாள் வந்தாள்
மணித் தமிழ் மூன்றும்
இனிய மழலையானதோ

மழையாய் அருள் பொழியும் விழிகளில்
இரு மீன்கள் கொண்டாள்
வலம் வரும் தாயின்
இதயம் வைகை ஆனதோ

கரும்பு வில் சுமந்திடும்
காஞ்சி காமாட்சியோ
மறைகளும் புரிவது அவளது ஆராய்ச்சியோ
அவள்தான் இவளோ
இவளுக்கு பொன்னூஞ்சலோ
வாழ்வும் இங்கே வந்தது
தாயின் விழிகளில் இன்பம் தந்தது

தேவி ஸ்ரீதேவி லாலி சுப லாலி
தங்கமகள் மகாலட்சுமியோ
திருமேனி மஞ்சள் நிலா வண்ணமோ
தோகை மயிலென உலா வந்ததோ

கருமாரி அன்னையின் உருவமும் நீயோ
திருவேற்காட்டில் எழுந்தருள்வாயோ
எனக்கான மடியிலே தோன்றிய சேயோ
தரணியில் நானும் தாய்க்கொரு தாயோ

முருகனை பேச வைத்தவள் நீயோ
கொல்லூர் வாழும் மூகாம்பிகையோ
சங்கரன் போற்றும் தேவியும் நீயோ
சகலரும் ஏற்கும் பகவதி தாயோ

அவள்தான் இவளோ
இவளுக்கு பொன்னூஞ்சலோ
வாழ்வும் இங்கே வந்தது
தாயின் விழிகளில் இன்பம் தந்தது

தேவி ஸ்ரீதேவி லாலி சுப லாலி
தங்கமகள் மகாலட்சுமியோ
திருமேனி மஞ்சள் நிலா வண்ணமோ
தோகை மயிலென உலா வந்ததோ