கேட்கவில்லையா

நெஞ்சின் ஓசைகள்

கேட்கவில்லையா நெஞ்சின் ஓசைகள்
ஊமையானதா உந்தன் ஆசைகள்
நரம்பைத் தீண்ட நாதம் வீணையில்
தாளம் போடும் நாளம் மேனியில்
சேர்ந்து பாடும் மௌன கீதம் அன்பே அன்பே
உன்னை ஏன் ஒளிக்கிறாய் வெளியில் வா
இந்த நாள் நல்ல நாள் முடிவை தா

கேட்கவில்லையா நெஞ்சின் ஓசைகள்

மூச்சுக் காற்றிலே
வெப்பம் வந்தும் புரியவில்லையா
மூடும் இமைகளில்
உண்மை உனக்கு விளங்கவில்லையா
தாகம் உண்டானதே
உன் மோக முகம் காட்டுமே
வேகம் ஏன் வந்தது
உன் பெண்மை பதில் சொல்லுமே
ஓடும் நதியில் தானே
சலனம் இருக்கும் நீ வா வா
வானம் பூமி சாட்சியாக வாழலாம் வா

கேட்கவில்லையா நெஞ்சின் ஓசைகள்

கண்ணை மூடினால்
கோடி வண்ணம் கடந்து போகுதே
விண்ணிலே மனம்
சிறகு முளைத்து பறந்து போகுதே
என்ன மாற்றம் இது எனக்குள் பூப்பூக்குது
காட்டுப் பாதை இதில் அருவி தேனூற்றுது
மண்ணில் இருக்கும் போது
புதையல் கூட வீண் தானே
என்னைத் தோண்டி புரிய வைத்தாய்
வாழலாம் வா

கேட்கவில்லையா நெஞ்சின் ஓசைகள்

ஊமையில்லையே எந்தன் ஆசைகள்

நரம்பைத் தீண்ட நாதம் வீணையில்

தாளம் போடும் நாளம் மேனியில்

சேர்ந்து பாடும் மௌன கீதம் அன்பே அன்பே

கனவுகள் கலைந்ததே கண்ணிலே
என்னை நீ காணலாம் உன்னிலே

கேட்கவில்லையா நெஞ்சின் ஓசைகள்