முத்துக்கு முத்தாக
சொத்துக்கு சொத்தாக
அண்ணன் தம்பி பிறந்து வந்தோம்
கண்ணுக்கு கண்ணாக
அன்பாலே இணைந்து வந்தோம்
ஒண்ணுக்குள் ஒண்ணாக

பள்ளிக் கொண்ட பிள்ளையிடம்
பாட்டுதான் படிப்பதன்றி
உள்ளதொரு நோய் தீர்க்க
ஒரு காசும் இல்லையடா

தாலாட்டி வளர்த்த நெஞ்சம்
தாளாமல் புலம்புதடா
தம்பியரைத் தந்த தெய்வம்
நம்பியதை மறந்ததடா

முத்துக்கு முத்தாக
சொத்துக்கு சொத்தாக
அண்ணன் தம்பி பிறந்து வந்தோம்
கண்ணுக்கு கண்ணாக
அன்பாலே இணைந்து வந்தோம்
ஒண்ணுக்குள் ஒண்ணாக

சொர்க்கத்தின் வாசல் உன்னை
சொந்தம் கொள்ள தேடுதடா
பக்கத்தில் நானிருக்க
பாலகனை தேடுதடா

தெய்வம் உன்னை அழைப்பதனை
தெரிந்ததடா என் மனமே
தேவை ஒரு ஜீவனென்றால்
நான் போகச் சம்மதமே
நான் போகச் சம்மதமே

முத்துக்கு முத்தாக
சொத்துக்கு சொத்தாக
அண்ணன் தம்பி பிறந்து வந்தோம்
கண்ணுக்கு கண்ணாக
அன்பாலே இணைந்து வந்தோம்
ஒண்ணுக்குள் ஒண்ணாக