ஓடம் ஒன்று காற்றில் போன வழி
நாமும் போகின்றோம்
ஏதோ ஒன்று நாளை என்று
இன்னும் வாழ்கின்றோம்

ஓடம் ஒன்று காற்றில் போன வழி
நாமும் போகின்றோம்

பாதை என்று ஏதும் இல்லை
காலம் எல்லாம் நாங்கள் போகின்றோம்
தாகம் வந்தால் நீரும் இல்லை
நீரில் இங்கே நாளும் வாழ்கின்றோம்
இந்த நீரில் சென்றே கானல் நீரானோம்

ஓடம் ஒன்று காற்றில் போன வழி
நாமும் போகின்றோம்

தூண்டில் இட்டோம் மீன்கள் இல்லை
நாங்கள் இங்கே தூண்டில் மீனானோம்
ஓடம் விட்டோம் தீபம் இல்லை
நாங்கள் இங்கே ஓடம் போலானோம்
எந்த நேரம் எங்கே போவோம் என்றானோம்

ஓடம் ஒன்று காற்றில் போன வழி
நாமும் போகின்றோம்

மேகம் என்றால் மின்னல் உண்டு
தோன்றும் மின்னல் தானே மாறாதா
வாழ்க்கை என்றால் இன்னல் உண்டு
காணும் இன்னல் தானே தீராதா
நல்ல காலம் ஒன்று நாளை வாராதா

ஓடம் ஒன்று காற்றில் போன வழி
நாமும் போகின்றோம்