ஹேய்
ஒரு கோப்பை வேண்டும்
கொண்டுவா

கடவுளே இந்த உலகமே
தலை சுற்றவைக்கும் மதுக்குப்பியா

கல் பிறந்ததும்
மண் பிறந்ததும்
பெண்ணும் பிறந்தாளே
அவள் கண்ணில் அன்றே
கண்ணீர் துளிகள்
கண்ணம் தீண்டியதே

பெண் என்பவள்
ஆண்பார்வையில்
மோகச்சதைதானா
என்னை வெட்டி கூறிட
குத்திக்கிழித்திட
விரல்கள் நீண்டிடுதே

விழி உறங்கவில்லை
உணவிறங்கவில்லை
இந்த நாள் எனை
விட்டுவிட்டு நகரவில்லை

ஒரு இறகெனவே
வரும் மரணம் அதில்
நான் பறந்திடத்துடித்தேனே

ஹேய்
ஒரு கோப்பை வேண்டும்
கொண்டுவா

ஹேய்
அதில் சாவை ஊற்றி
ஏந்தி வா

தற்கொலை எண்ணம்
உங்களுக்குள் தலைதூக்குமாயின்
நீங்கள் உடனடியாக செய்ய வேண்டியது
104 என்ற இந்த எண்ணிற்கு
தொடர்பு கொண்டு பேசுவதுதான்
மறுமுனையில் உங்கள் மீது
பிரியத்துடன் அக்கறை கொண்டு பேசி
உங்கள் எண்ணத்தை மாற்றுவதற்காக
அரசாங்க பணியாளர்கள் காத்திருக்கிறார்கள்

இதை எப்பிட்றா ஒரு பாட்டுக்கு நடுவுல
சொல்லலாம்ன்னு கேட்பீங்க
ஆனா ஒரு படத்திற்கு நடுவுல
தம்மடிக்கக்கூடாது
தண்ணியடிக்கக்கூடாதுன்னு
சொல்லலாம்ங்கிறப்ப
இதையும் சொல்லலாம்

என் தனிமை தீவில்
வரும் வெள்ளை பூவே
நீ மரணம் காக்கும்
தெய்வச்சிறகா

உண்மையிலே
எப்பொழுதோ இறந்து விட்டேன்
இறப்பை நான் இப்பொழுதே
மறந்துவிட்டேன்

கொல்லாமல் கொல்லும்
காதல் போதை
வேண்டி வாங்கினேன்
நில்லாமல் ஓடும்
பூமி போதும்
சாக ஏங்கினேன்

பெண்கள் நெஞ்சில்
உள்ளத்துன்பம்மெல்லாம்
செத்தால் கூட சாகாது இருக்கும்

ஹேய்
ஒரு கோப்பை வேண்டும்
கொண்டுவா

ஹேய்
அதில் சாவை ஊற்றி
ஏந்தி வா