பாற்கடல் அலை மேலே பாம்பணையின் மேலே
பள்ளி கொண்டாய் ரங்கநாதா
பாற்கடல் அலை மேலே பாம்பணையின் மேலே
பள்ளி கொண்டாய் ரங்கநாதா
உந்தன் பதமலர் நிதம் தேடி பரவசமொடு பாடி
பதமலர் நிதம் தேடி பரவசமொடு பாடி
கதி பெறவே ஞானம் நீ தா தேவா

பாற்கடல் அலை மேலே பாம்பணையின் மேலே
பள்ளி கொண்டாய் ரங்கநாதா

காதகனான ஒரு சோமுகன் கை கொண்டு
கடலிடையே ஒளித்த மறை நாலும்
காதகனான ஒரு சோமுகன் கை கொண்டு
கடலிடையே ஒளித்த மறை நாலும் பின்னும்
மேதினி தேன் மீளாஆஆஆ
மேதினி தேன் மீளா பாதகன் தான் மாள
மீனவதாரங் கொண்ட திருமாலே

வானவரும் தானவரும் ஆழியமுதம் கடைந்த
மந்தர கிரி தன்னை தாங்கிடவே
வானவரும் தானவரும் ஆழியமுதம் கடைந்த
மந்தர கிரி தன்னை தாங்கிடவே ஒரு
கூனுடைய ஓடு கொண்டஆஆஆஆ
கூனுடைய ஓடு கொண்ட கூர்மாவதாரமென
கோல முற்றாய் புகழும் ஓங்கிடவே

ஈனன் இரண்யாட்சனெனும் படுபாவி
இஇஇஇஆஆஆஆ
ஈனன் இரண்யாட்சனெனும் படுபாவி பாயாய்
ஏழு கடலுள் மறைத்த பூதேவி அவள்
தீன ரட்சகா சகல ஜீவ ரட்சகா
தீன ரட்சகா சகல ஜீவ ரட்சகா
எனவே மாநிலத்தை தூக்கிய வராக வடிவானவனே

எங்கிருக்கிறான் ஹரி எங்கிருக்கிறான்
அவன் எங்கிருக்கிறான் சொல்லடா
எங்கிருக்கிறான் என்ற இரணியன் சொல்லை
இடை மறித்தே அவன் பிள்ளை ஹரி
எங்கும் இருப்பான் தூணில் இங்கும் இருப்பான் ஹரி
எங்கும் இருப்பான் தூணில் இங்கும் இருப்பான் என
இயம்பினதால் நேர்ந்த தொல்லை நீங்கவும்
பொங்கு சின வம்பனது பூத உடலும் தசை
தின்றெழுந்த தொந்தியொடு மணிக்குடலும் உதிரம்
சிந்தவே நகம் கொண்டு கீறும் நரசிங்கமான அவதாரனே
சங்கு சக்ர தாரனே உபகாரனே ஆதாரனே

மூவடி மண் கேட்டு வந்து மண்ணளந்து விண்ணளந்து
மாவலி சிரம் அளந்த வாமனனே
மூவடி மண் கேட்டு வந்து மண்ணளந்து விண்ணளந்து
மாவலி சிரம் அளந்த வாமனனே தந்தை
ஆவியை பறித்ததனால் சூரியகுல வைரியென
ஆவியை பறித்ததனால் சூரியகுல வைரியென
அமைந்த பரசுராமன் ஆனவனே

தேவர்களின் சிறை மீட்ட ராவணாதி உயிர் மாய்த்த
தேவர்களின் சிறை மீட்ட ராவணாதி உயிர் மாய்த்த
தசரத ஸ்ரீ ராம அவதாரனே
தசரத ஸ்ரீ ராம அவதாரனே
பூவுலகிலே உழவோர் புகழும் கலப்பை தன்னை
பூவுலகிலே உழவோர் புகழும் கலப்பை தன்னைப்
புயந்தனில் தாங்கி நின்ற பலராமனே ஏ ஏ

ஆவணி ரோஹிணியில் அஷ்டமியிலே
அர்த்த ஜாம நேரத்திலே அவதரித்தோனே
ஆவணி ரோஹிணியில் அஷ்டமியிலே
அர்த்த ஜாம நேரத்திலே அவதரித்தோனே
ஆயர்பாடி மேவிய யசோதை நந்தலாலா
ஆ ஆ ஆ
ஆயர்பாடி மேவிய யசோதை நந்தலாலா
பதினாயிரம் கோபியர் பரமானந்த லோலா
பதினாயிரம் கோபியர் பரமானந்த லோலா
பூ பாரம் தீர்க்க பாரத போர் முடித்த சீலா
பூ பாரம் தீர்க்க பாரத போர் முடித்த சீலா
கோபால கிருஷ்ணனான ஆதிமூலா பரிபாலா

ஆவணி ரோஹிணியில் அஷ்டமியிலே
அர்த்த ஜாம நேரத்திலே அவதரித்தோனே

பஞ்ச பாதகம் வாதுடன் கொடிய
வஞ்சகம் மித்ர பேதகம்
பஞ்ச பாதகம் வாதுடன் கொடிய
வஞ்சகம் மித்ர பேதகம்
செய்ய அஞ்சிடாதவர் ஆடிடும் நாடக மேடை
ஆடிய கலியுகம் அழிக்கவே தர்மம் தழைக்கவே
அன்புருவாகிய கல்கி அவதாரனே
சிங்காரனே தசாவதாரன் நீயே

பாற்கடல் அலை மேலே பாம்பணையின் மேலே
பள்ளி கொண்டாய் ரங்கநாதா

பாற்கடல் அலை மேலே பாம்பணையின் மேலே
பள்ளி கொண்டாய் ரங்கநாதா