புதியதோர் உலகம் செய்வோம்

ஆஆஆஆ

புதியதோர் உலகம் செய்வோம்
கெட்ட போரிடும் உலகத்தை
வேரொடு சாய்ப்போம்

புதியதோர் உலகம் செய்வோம்
கெட்ட போரிடும் உலகத்தை
வேரொடு சாய்ப்போம்

புதியதோர் உலகம் செய்வோம்

அறிஞர் தம் இதய ஓடை
ஆழ நீர் தன்னை மொண்டு

ஆஆஆஆ

அறிஞர் தம் இதய ஓடை
ஆழ நீர் தன்னை மொண்டு
செறிதரும் மக்கள் எண்ணம்
செழித்திட ஊற்றி ஊற்றி
குறுகிய செயல்கள் தீர்த்து
குவலயம் ஓங்கச் செய்வாய்
நறுமண இதழ் பெண்ணே
உன் நலம் காணார் ஞாலம் காணார்

புதியதோர் உலகம் செய்வோம்
கெட்ட போரிடும் உலகத்தை
வேரொடு சாய்ப்போம்

புதியதோர் உலகம் செய்வோம்

பொது மக்கள் நலம் நாடி
புது கருத்தைச் சொல்க
உன் கருத்தை சொல்லுவதில்
ஆயிரம் வந்தாலும்
அதற்கொப்ப வேண்டாமே
அந்தமிழர் மேன்மை
அழிப்பாரைப் போற்றுதற்கும்
ஏடு பல வாழ்ந்தால்
எதிர்ப்பதன்றோ தமிழர்களின்
எழுதுகோல் வேலை
ஏற்ற செயல் செய்தற்கும்
ஏன் அஞ்ச வேண்டும்

புதியதோர் உலகம் செய்வோம்
கெட்ட போரிடும் உலகத்தை
வேரொடு சாய்ப்போம்

புதியதோர் உலகம் செய்வோம்