ராச லீலைக் காலம் காதல் யோகம் ஆகும்
மௌனமே கீதமாய் தென்றலாக வீசும்

ராச லீலைக் காலம் காதல் யோகம் ஆகும்

கல்விக்கூடம் போகையில்
காதல் பாடம் நல்லதா
கண்ணின் ஜாடை பேசுதல்
தேவை இல்லை அல்லவா

காதல் இன்றி பாடமா
படிப்பதென்ன வேதனை
அந்தி நேரக் கல்விதான்
தந்ததெந்தன் சாதனை

தேனைப் போலப் பேசிக் கெடுத்த
தீமையாகும் நண்பனே

மேனி கண்ட பருவ தாகம்
மூடி மறைக்க முடியுமா

உதய கீதம் பாடி என்னை
மயக்க வேண்டாம் இதய ராஜ

ராச லீலைக் காலம் காதல் யோகம் ஆகும்
மௌனமே கீதமாய் தென்றலாக வீசும்
ராச லீலைக் காலம் காதல் யோகம் ஆகும்

தூரல் போடும் நீர்த் துளி
மாறன் வீசும் மலர்க் கணை
மாலை நேர மயக்கமே
உதட்டில் உந்தன் புன்னகை

நேரம் காலம் பார்த்து நீ
கொஞ்ச வேண்டும் என்னிடம்
ஆசை மீறிப் போனதால்
அஞ்சி நின்றேன் உன்னிடம்

கொட்டும் மழையில் நடுக்கம் நீங்க
இடையை நானும் பிடிக்கவா

இடையை மறந்து குடையைப் பிடித்தால்
உந்தன் நடுக்கம் தீருமே

தழுவும் போது நழுவி ஓடும்
எண்ணம் ஏனோ இதய ராணி

ராச லீலைக் காலம் காதல் யோகம் ஆகும்
மௌனமே கீதமாய் தென்றலாக வீசும்
ராச லீலைக் காலம்

இருவர் : காதல் யோகம் ஆகும்
ராச லீலைக் காலம்
இருவர் : காதல் யோகம் ஆகும்