இசை அமைப்பாளர் : பென் சுரேந்தர்

சங்கீத சௌபாக்யமே தேவி
சௌந்தர்யம் உன் ரூபமே

சங்கீத சௌபாக்யமே தேவி
சௌந்தர்யம் உன் ரூபமே
நான்கு வேதம் கூறும் ஞானம்
எனக்கருள் மணிபீடமே
சங்கீத சௌபாக்யமே தேவி
சௌந்தர்யம் உன் ரூபமே

விடிவெள்ளி மாடம் எழில் அன்னை கூடம்
விடிவெள்ளி மாடம் எழில் அன்னை கூடம்
அபிஷேக ஆராதனை தினம் தினம்
ஆனந்த அருள் போதனை

சங்கீத சௌபாக்யமே தேவி
சௌந்தர்யம் உன் ரூபமே

நீர் முகில் போல் கூந்தல்
நிழல்படம் போல் நெற்றி
திங்களைப் போல் திலகம்
வானவில் போல் புருவம்

நெய்தலைப் போல் கண்கள்
செந்தூரம் போல் செவ்வாய்
சிவலிங்கம் போல் கழுத்து
காற்றலை போல் கைகள்

எழுந்தாள் மெல்ல அசைந்தாள்
மின்னல் ஆயிரம் மின்ன

நடந்தாள் நின்று சிரித்தாள்
ஜெய பேரிகை முழங்க

பார்த்தாள் வினை தீர்த்தாள்
பசும் சோலைகள் குலுங்க

பூத்தாள் முகம் வேர்த்தாள்
வெள்ளி பனி மலை உருக

கணகண கங்கன கதிரொளி பறக்க
பனபன பம்பன பம்பையும் ஒலிக்க
தனதன தந்தன தவிலொலி சிறக்க
தாம்திமி தையென தாளங்கள் பிறக்க

ஆடினாள் நடனம் ஆடினாள்
அன்னை ஆடினாள் நடனம் ஆடினாள்

சங்கீத சௌபாக்யமே தேவி
சௌந்தர்யம் உன் ரூபமே