தீப்பொறி போன்றது
ஒரு காதல் என்பது
அதை வாழ்க்கை என்னும்
திரியில் ஏற்றுவோம்

உள்ளம் என்பது
பெரு வெள்ளம் போன்றது
இரு கரைகள் செய்து
நதியாய் மாற்றுவோம்

ஒரு உறவில் வளரும் காதல்
அது மழையின் துளியாய் தேங்கும்
சிறு பிரிவில் வளரும் காதல்
அது எரியும் தீயாய் ஓங்கும்

நம் காதல் புது சக்தி
புது உலகம் செய்வோம்

கண் தூங்க மாட்டோம்
செல் போன் பேச மாட்டோம்
கல் தேய்ந்து போகும்
எங்கள் சொல் தேய மாட்டோம்

ஊர் காணும் வண்ணம்
இனி நேர் காண மாட்டோம்
பூவோடு தூங்கும்
சிறு தேன் போல வாழ்வோம்

பொய் காதல் உடலோடு துள்ளும்
மெய் காதல் உடல் மீறி செல்லும்
எப்போதும் தடை தாண்டி வெல்லும்

மண்ணோடு வாழும்
ஒரு பொன் போல வாழ்வோம்
நம் காலம் வந்தால்
நகையாய் மாறி போவோம்

சில நாளில் சிலையாவாய்
உளி தாங்குவாய் மலரே

நாம் கொண்ட காதல்
சில நாள் தள்ளி வைப்போம்
நாள்தோறும் வெற்றி
அதையே புள்ளி வைப்போம்

போர் காலம் போல
ஒரு போர் கோலம் கொள்வோம்
பூகம்பம் வந்தால்
அதையும் போராடி வெல்வோம்

கூட்டுக்குள் வண்ணத்து பூச்சி
அதுதானே பொறுமைக்கு சாட்சி
நாளைக்கு நம் காதல் ஆட்சி

மண் மூடும் போதும்
விதைகள் கண் மூடவில்லை
விதை வெற்றி கொள்ளும்
மழையின் துளி வீழும் வேளை

ஹோ ஓ ஆகாயம் நமதாகும்
சில நாள் பொறு கிளியே