உள்ளங்கள் பேசும் காதல் மொழிகள்
உனக்கேன் புரியவில்லை

விட்டு விட்டு துடித்து உன் பெயர் சொல்லும்
இதயத்தை தெரியவில்லை

வட்டமிட்டு உன்னையே
சுற்றி சுற்றி வந்தேன்
திட்டமிட்டு ஏன் வெறுத்தாய்
சிட்டு சிட்டு குருவியை
சுற்றி சுற்றி வந்தேன்
சிறகையும் ஏன் ஒடித்தாய்

விழி காக்கும் இமையே
எனை தாக்கும்போது
வலிக்காத உள்ளம்
எது என்று கூறு
இது சரியா இது முறையா
பதில் சொல்லு

கண்களில் தெரியும் காட்சிகள் அனைத்தும்
உனக்கென சேமித்தேன்
கனவுகள் அனைத்தும் நிஜமென நினைத்து
தினம் உன்னை பூஜித்தேன்
வெட்ட வெளி வெயிலில் புழுவினை போல
துடித்திட ஏன் எரித்தாய்
நித்தம் நித்தம் உனையே தேடிய இதயத்தை
தீயினில் ஏன் எரித்தாய்
எனை தேடி நானும் உனக்குள்ளே தேட
எனை தாண்டி நீயும் வேறெங்கோ ஊட
இது விதியா இல்லை சதியா
பதில் சொல்