வாழ்வே வா வாழ்வோம் வா

நீ எங்கே நான் அங்கே

தேவன் தேவி விளையாட்டு
தேவை என்றால் தலையாட்டு

நான்தான் ஆடும் இளங்கீற்று
நீ தான் மோதும் பனிக் காற்று

வாழ்வே வா வாழ்வோம் வா

நீ எங்கே நான் அங்கே

பாலில் நீர் போல என்னோடு சேர்ந்த
பாவை நீயல்லவோ

தேகம் நீங்காத மேலாடை போல
தேவை நீயல்லவோ

காணாததை நான் காணவே
காலங்கள் கை கூடுமோ

ஆ இலை மறைவாக கனி இருந்தாலும்

மணம் வரும் போது அணில் வரக் கூடும்

காய் பழுத்தால் கையில் விழும்

வாழ்வே வா

வாழ்வோம் வா

வீணை நானாக நீ மீட்ட வேண்டும்
மாலை பொழுதல்லவா

ராகம் தாளங்கள் நான் காட்டும் போது
தாகம் வருமல்லவா

தாகங்களை தீர்த்தாலென்ன
நீரோடை நீயல்லவா

ஆ தனி இடம் பார்த்து தளிருடல் சேர்த்து

தழுவிட நீயும் நழுவிட நானும்

நாணம் என்ன ஊடல் என்ன

வாழ்வே வா

வாழ்வோம் வா
நீ எங்கே

நான் அங்கே

தேவன் தேவி விளையாட்டு
தேவை என்றால் தலையாட்டு

நான்தான் ஆடும் இளங்கீற்று
நீ தான் மோதும் பனிக் காற்று

வாழ்வே வா வாழ்வோம் வா வா வா

நீ எங்கே நான் அங்கே