ஹ்ம்ம் ம்ம்ம் ம்ம்ம் ஹ்ம்ம்
ஓஹோ ஓ ஹோ ஓஓ

வருக வருகவென்று சொல்லியழைப்பார்
சிலர் வாசல் வழியில் நின்று பன்னீர் தெளிப்பார்
வருக வருகவென்று சொல்லியழைப்பார்
சிலர் வாசல் வழியில் நின்று பன்னீர் தெளிப்பார்

ஒரு மகள் பெற்றோமென்று
உள்ளம் மகிழ்வார்
ஒரு மகள் பெற்றோமென்று
உள்ளம் மகிழ்வார்
தந்தை உற்சாகம் பொங்கிவரக்
கண்ணீர் வடிப்பார்
தந்தை உற்சாகம் பொங்கிவரக்
கண்ணீர் வடிப்பார்

நீல விதானத்து
நித்திலப்பூம் பந்தலிட்டு
கோலங்கள் பொங்கக் குளிர்ந்த மணம் பரவி வரும்
ஆளழகை மிஞ்சும் அரசாணிக் காலிருக்கும்
ஆரத்தித் தட்டெடுத்து அன்னையினம் ஓடிவரும்

பெண்ணெங்கே எங்கே என்ற குரல் கேட்கும்
கூந்தல் பின்னலிடும் தோழியின்
கை துடிதுடிக்கும்
பெண்ணெங்கே எங்கே என்ற குரல் கேட்கும்
கூந்தல் பின்னலிடும் தோழியின்
கை துடிதுடிக்கும்

கண்ணிரண்டும் கால் பார்க்கும் தலைகுனியும்
கண்ணிரண்டும் கால் பார்க்கும் தலைகுனியும்
வண்ணக் காலிரண்டும் மெல்ல மெல்ல
நடை நடக்கும்
வண்ணக் காலிரண்டும் மெல்ல மெல்ல
நடை நடக்கும்

கை நிறைய மலரெடுத்து
மாதர் மழை பொழிவார்
கனகமணிச் சரமெடுத்து
அவர் கையில் தருவார்
கொட்டுங்கள் மேளமெனக்
குரலொன்று கேட்கும்
குளிர்ந்த முகம் சிவந்து விடும்
இளமேனி சிலிர்க்கும்

பிள்ளை பெற்ற மாதர் என்னை
வாழ்த்தியருள்வார் என்
பெண்மை நிறைவானதென்று
நானும் மகிழ்வேன்

காரிருளில் ஓர் கிழவி
மெல்ல வருவாள்
காரிருளில் ஓர் கிழவி
மெல்ல வருவாள்
அவர் காத்திருக்கும் தனியிடத்தைக்
காட்டி மறைவாள்
அவர் காத்திருக்கும் தனியிடத்தைக்
காட்டி மறைவாள்

தூங்குதல் போல் நடிக்கின்ற
தோழியர்க்கும் தெரியாமல்
துணையிருக்கும் இடம் சென்று
நிலம் பார்த்து நிற்பேன்

அவர் முதலில் பேசுவதா
நான் பேசலாமா
அத்தான் என்றழைப்பதற்கும்
இடம் அதுதானா
கைத்தொட்டு எனை அழைத்தால்
நான் என்ன சொல்வேன்
கண்மூடி மெய்மறந்து
ஊமைபோல் இருப்பேன்