வசந்தவிழா நல்ல வசந்தவிழா
வசந்தவிழா நல்ல வசந்தவிழா
காதல் வரம் கேட்கும்
கன்னியர்க்கு சிறந்த விழா
காதல் வரம் கேட்கும்
கன்னியர்க்கு சிறந்த விழா
வசந்தவிழா நல்ல வசந்தவிழா

இளமை விழா இன்று இனிமை விழா
நெஞ்சம் எழிலோடு விளையாடும் திருவிழா
தென்றல் பட்டு வண்ணம் தொட்டு முகம் பார்க்கலாம்
நாணப்பட்டு வாழ்வைத்தொட்டு சுகம் சேர்க்கலாம்
துணை தேடலாம் சுவை காணலாம்
துணை தேடலாம் சுவை காணலாம்
இருவர் : வசந்தவிழா நல்ல வசந்தவிழா ஆஆஆ

மேகக் கருங்குழல் முத்திரை பொன்னுடல்
மின்னல் வரைகின்ற சித்திரமாய்
மின்னல் வரைகின்ற சித்திரமாய்
வேல்விழி பார்வையும் செவ்விதழ் பூவையும்
சீதனம் தந்திடும் பக்குவமாய்
சீதனம் தந்திடும் பக்குவமாய்

மெல்ல மெல்ல நடந்து
பள்ளியறை அடைந்து
உயிரில் கலந்து உலகை மறக்கும்
ஆரம்பம் எப்படியோ
அந்த உறவில் மலரும்
பருவக் கொடியில்
ஆனந்தம் எப்படியோ
இருவர் : அந்த ஆனந்தம் எப்படியோ
வசந்தவிழா நல்ல வசந்தவிழா ஆஆஆ

எந்தன் கண்ணும் இடது தோளும்
துடிப்பதென்னடி தோழி

இந்த நாளில் ஒரு நன்மை உங்களை
தேடி வந்திடும் தேவி

ஏதோ ஒன்று மனதில் வந்து
வாட்டுவதென்னடி தோழி

இளமை வந்தவுடன் காதல் ஏக்கம்
வந்தே தீரும் தேவி

இரவினில் தூக்கம் வரவில்லையே
அது ஏனோ சொல்லடி தோழி

உங்கள் இதயத்தில் ஒருவன் புகுந்திருப்பான்
அதை அவனிடம் கேளுங்கள் தேவி

கனவிலும் அவனை கண்டதில்லையே
என்னடி செய்வேன் தோழி
கண்டால் அவனை தனியே அழைத்து
தண்டனை கொடுங்கள் தேவி

இருவர் : வசந்தவிழா நல்ல வசந்தவிழா
காதல் வரம் கேட்கும்
கன்னியர்க்கு சிறந்த விழா
வசந்தவிழா நல்ல வசந்தவிழா ஆஆஆ