என் மாப்பிள்ளைக்கு
இந்த மணிப் பிள்ளையை தொட்டு
முத்தாட முத்தாட ஆசை வரும்
பூப் போலே பிஞ்சு காலாலே
உதை தந்தாலே நல்ல புத்தி வரும்

என் மாப்பிள்ளைக்கு
இந்த மணிப் பிள்ளையை தொட்டு
முத்தாட முத்தாட ஆசை வரும்

உன்னை நினைக்காத
உள்ளம் படைத்தானே
தந்தை எனும் அந்த திருடன்
உன்னை நினைக்காத
உள்ளம் படைத்தானே
தந்தை எனும் அந்த திருடன்
அன்னை மணிக் கைகள் அள்ளி அணைக்கின்ற
சின்னக் கொடி இந்த அழகன்
அன்னை மணிக் கைகள் அள்ளி அணைக்கின்ற
சின்னக் கொடி இந்த அழகன்

சில பொல்லாத உள்ளங்கள் சிரிக்கும்
நல்ல பொன்னான நெஞ்சத்தை மயக்கும்
சுகம் கொண்டாடி வண்டாக பறக்கும்
அதை சொன்னால் உன் கண் கூட சிவக்கும்

என் மாப்பிள்ளைக்கு
இந்த மணிப் பிள்ளையை தொட்டு
முத்தாட முத்தாட ஆசை வரும்

பெண்ணை விளையாட்டு
பொம்மை என எண்ணும்
பித்துப் பிடித்தோரை அழைத்து
கிள்ளை மொழி பேசி முல்லை வழி காட்டும்

நல்ல வழி போக திருத்து
அது சொன்னாலும் கேட்காமல் முறைக்கும்
தன் கால் போன போக்காக நடக்கும்
அதை நல்லோர்கள் போராட்டம் நடக்கும்
அன்று நாம் தேடும் நல் வாழ்க்கை கிடைக்கும்

என் மாப்பிள்ளைக்கு
இந்த மணிப் பிள்ளையை தொட்டு
முத்தாட முத்தாட ஆசை வரும்

மாலை தொடுக்காமல்
ஊரை அழைக்காமல்
காதல் முடித்தானே ஒருவன்
மாலை தொடுக்காமல்
ஊரை அழைக்காமல்
காதல் முடித்தானே ஒருவன்
நாளை நமைத் தேடி வேளை வரும் போது
காலில் விழ வேண்டி வருவான்
நாளை நமைத் தேடி வேளை வரும் போது
காலில் விழ வேண்டி வருவான்

அந்த பொற்காலம் என்னாலே விளையும்
உன் அம்மாவின் துன்பங்கள் விடியும்
அவன் மன்னிப்பு கேட்கின்ற நேரத்தில்
நீ கை கொட்டி சிரிக்காதே பாவம்

என் மாப்பிள்ளைக்கு
இந்த மணிப் பிள்ளையை தொட்டு
முத்தாட முத்தாட ஆசை வரும்

என் மாப்பிள்ளைக்கு
இந்த மணிப் பிள்ளையை தொட்டு
முத்தாட முத்தாட ஆசை வரும்